Русија не планира да го моли Западот да ги укине санкциите кон Москва, соопшти во вторник рускиот министер за надворешни работи, Сергеј Лавров.
– Русија нема да го моли Западот да ги укине едностраните санкции. Санкциите не се наш избор. Москва понекогаш добива предлози од типот, ние ќе ви кажеме што треба да правите, а сега ќе ви воведеме санкции. Нема да учествуваме во тави игри – рече Лавров.
Шефот на руската дипломатија додаде дека политиката на ЕУ кон сегашната украинска криза е обид да се префрли одговорноста.
– Се надеваме дека уште не сме ја минале точката д која нема враќање. Заинтересирани сме за прогресивен развој на односите со ЕУ – рече Лавров.
Изјавата на рускиот министер за надворешни работи следи откако Брисел воведе нови дополнителни санкции кон проруските сили во Украина, кои го поддржуваат Кремљ, а Москва одговори со воведување забрана за увоз на храна од земјите од ЕУ.