Kукли на дување со ликовите на аболираните поранешни министри Миле Јанакиески, Гордана Јанкулоска и на Мартин Протоѓер шефот на кабинет на поранешниот премиер Никола Груевски беа ставени во импровизиран затвор и донесени на почетокот на денешниот протест на „Шарената револуција“.
Надувани кукли со ликовите на Миле Јанакиески, Гордана Јанкулоска и Мартин Протуѓер во затвор #протестирам pic.twitter.com/d8QYbkdqdI
— META.mk (@meta_agency) May 23, 2016
Демонстрантите со транспарент порачаа „Не за криминалот, не за аболиција“. Транспарентот беше напишан и на влашки јазик по повод Денот на Власите.
Тие на вечерашниот протест импровизираниот затвор го донесоа пред влада и со извици порачаа „Шутка не ти бега Никола“.
Потоа следуваше боење на фасадата на зградата на Владата и за разлика од обидите на минатите протести, денешниот беше успешен и владата се обои во боите на „Шарената револуција“.
Демонстрантите во моментов се движат кон зградата на Собрание.