fbpx

Куба започна да ги вакцинира децата над 2 години против ковид-19

-

Кубанската влада одлучи да започне вакцинација против ковид-19 на децата постари од 2 години низ целата земја, јавува Си-ен-ен. Мерката е донесена за да се овозможи децата да се вратат назад во школските клупи. Куба е првата земја која се одлучи да ги имунизира децата на волку ниска возраст, додавајќи дека вакцините од нејзино производство се безбедни за децата.

За време на ковид-19 пандемијата, во Куба не се одржуваше настава со физичко присуство во училиштата, така што учениците беа приморани да учат преку образовна програма што се емитуваше на телевизии по неколку часа дневно. Интернетот по домовите во Куба и понатаму е реткост.

Процесот на имунизација на кубанското население се одвива со вакцини коишто го произведе самата земја, а комунистичките власти планираат до средината на ноември да вакцинираат над 90 отсто од сите жители пред планираното отворање на границите.

Куба допрва ќе бара од Светската здравствена организација одобрение за користење на нејзините вакцини, а досега има обезбедено малку податоци на странски научници за нив.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Распишан конкурс за наградата „23 Октомври“

Одборот за доделување на државната награда „23 Октомври“, распиша конкурс за доделување на државната наградата за 2024 година. „Со државната награда се оддава највисоко признание за долгогодишни остварувања во областа...