Собранието денеска до 31 декември ја продолжи кризната состојба на јужната и северната граница, прогласена на 20 август 2015 година, поради зголемен обем на влез и транзитирање на мигранти низ земјата.
Ова е осмо продолжување на рокот на траење на кризната состојба, во чии рамки границата, покрај граничната полиција, ја обезбедуваат и армиски сили, но и полициски сили од неколку европски држави.
Новата одлука за продолжување денеска ја разгледаа собраниските комисии за одбрана и безбедност и законодавно-правната комисија, а потоа беше прва точка на дневниот ред на 103. седница на Собранието.