Поднесена е кривична пријава против 32-годишниот С.Н. и 24-годишниот М.Џ. од скопско, поради постоење основи на сомнение за сторени кривични дела „убиство“ и „неовластено изработување, држење, посредување и тргување со оружје или распрскувачки материјали“, соопшти денеска полицијата.
По преземени мерки и активности во координација со јавен обвинител, било утврдено дека на 1 јули во скопското село Батинци, пријавените со автоматски пушки пукале кон возило „Форд“ во кое биле А.Б.И. (34) и З.И. (31), двајцата од селото Црн Врв, при што на А.Б.И. починал на местото, додека неговиот сопатник се здобил со повреди и бил пренесен за укажување лекарска помош.
Министерството за внатрешни работи (МВР) денеска информираше за уште една поднесена кривична пријава – против 26-годишниот В.И., поради постоење основи на сомнение за сторено кривично дело „убиство во обид“.
Тој на 17 јули, на подрачјето на Општина Чаир, со пиштол пукал кон 31-годишниот Д.Б. и му нанел тешки телесни повреди.
