fbpx

Ковaчевски се сретна со новиот дирeктор на ЕК за соседство и преговори за проширување

-

Европската Унија очекува брз развој на регионот и силно ја поддржува Република Северна Македонија во следниот чекор на евроинтеграциите.

Таква порака, како што соопшти македонската влада, упатиле Герт Јан Купман, новиот генерален директор за соседство и преговори за проширување од Европската комисија (ЕК) и со Микела Матуела, вршителка на должност директорка за Западен Балкан во Генералниот директорат за соседство и преговори за проширување од ЕК со македонскиот премиер Димитар Ковачевски.

Притоа, посебен акцент е ставен на тоа дека сите политичари имаат одговорност за напредокот на земјава кон ЕУ.

„Северна Македонија, како што е оценето, има историска можност за напредок којшто ќе овозможи на граѓаните во државата европски квалитет на живот. Поради тоа, како што е констатирано, потребно е да се носат големи одлуки, во коишто, се очекува да дадат придонес сите политички субјекти во државата. Нагласено е и дека напредокот на Северна Македонија кон ЕУ, значи придонес во регионалниот контекст и кон европскиот мир и стабилност, што се очекува да се има предвид од страна на сите политички чинители во земјава“, соопшти Владата.

На средбата се разговарало за значењето на донесувањето на уставните измени и потребата од нивна поддршка во Парламентот од страна на пратениците.

Премиерот Ковачевски се заблагодарил за поддршката од ЕУ и нагласил дека следните чекори на земјава треба да бидат сериозно сфатени од сите пратеници и политички партии.

„Кај Владата постои цврста политичка определба за нов успех во евроинтеграциите, затоа што тие за граѓаните навистина значат унапредување на животниот стандард и европски квалитет на живот и очекуваме ова да биде со сериозност сфатено од сите политичари, пратеници, политички партии во државата“, нагласиле Ковачевски на средбата со европските претставници Купман и Матуела.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Путин: Немаме намера да нападнеме земји членки на НАТО

Русија нема планови за напад на земјите членки на НАТО и нема да ги нападне Полска, балтичките земји или Чешка, но доколку Западот испорача ловци Ф-16 на Украина, тогаш...