fbpx

Ковачевски од Крушево: Не постои сила што може да застане на патот на европскиот напредок на нашата држава

-

„Не постои сила што може да застане на патот на европскиот напредок на нашата држава. Продолжуваме одлучно по европскиот пат, бидејќи тоа е патот на иднината и патот на прогресот“, порача премиерот Димитар Ковачевски вчера во Крушево, во предвечерието на големиот национален празник 2 Август, Илинден и Денот на Републиката. Ковачевски присуствуваше и се обрати на отворањето на традиционалната манифестација, Научно-културните средби „Десет дена Крушевска Република“, која од 1 до 10 август се одржува секоја година во Крушево.

Во своето обраќање премиерот Ковачевски упати пораки за просперитет, подобра иднина и напредок за сите граѓани во Република Северна Македонија.

„Ако некој случајно решил да ја преиспита прогресивната суштина на илинденската идеја, да блокира или кочи развој – тој, за сите е јасно, дека има различни мотиви и цели, од тоа што е интерес на граѓаните и државата. Минатото, покажува дека само режимски системи кочеле прогресивни идеи. Но, ние пред нас ја имаме големата визија на големиот Гоце Делчев и таа е и останува нашата политика“, рече Ковачевски.

Фото: Влада на РСМ

Додаде дека Европа, која е нашата следна цел, не е само унија на држави, туку таа е вредносен концепт што е негуван со генерации. Во Европската Унија се обединети различни националности, традиции, вери, култури. Претставниците на државите, денес, седнати на заедничката европска маса, разменуваат идеи и вредности коишто им се мотив за себенадраснување, а не пречка. Таа Европа, посочи, ги отвора вратите и за Република Северна Македонија, со признание на македонскиот народ, идентитет, јазик, историја и култура, коишто се неоспорен факт и со почит кон нашата држава, како пример за мултикултурност.

„Нема од што да се плашиме, ниту ни доликува да се откажуваме од битки. Илинденците и асномците со оружје јуришале кон иднината за којашто верувале. Тоа е сегашноста што ја живееме ние денес, слободна и независна македонска држава. И ние имаме обврска да јуришаме кон иднината во којашто веруваме, а тоа е европската иднина за нашите деца и идните генерации“, рече Ковачевски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...