fbpx

Ковачевски ги пречека Курти и Вучиќ -Евроинтеграцијата на земјите од Западен Балкан е од политички, безбедносен и економски интерес на ЕУ

Денешните разговори кои ќе се одвиваат со посредство на високиот претставник на ЕУ за надворешни работи и безбедносна политика, Жозеп Борел, како и Мирослав Лајчак, специјален пратеник на ЕУ за дијалогот помеѓу Белград и Приштина, се продолжение на дискусијата од 27 февруари во Брисел, на која беше договорен текстот на првичниот план за нормализација на односите помеѓу двете земји

-

Премиерот Димитар Ковачевски во Охрид ги пречека косовскиот премиер Албин Курти и претседателот на Србија, Александар Вучиќ.  Ковачевски им посака добредојде и успешен разговор, што е важен чекор за консолидација на регионот и неговата европска интеграција. Тој ја потврди важноста која Република Северна Македонија ја придава на одржувањето на овој состанок на високо ниво.

Ковачевски го пофали учеството на Косово во дијалогот со Србија и се согласи дека е многу важно да се работи на решавање на овој проблем и забрзување на евроинтегративниот процес за сите земји на Западен Балкан.

На састанокот, Ковачевски истакна дека Северна Македонија е пример за земја која со добрососедски односи, дијалог и компромис постигна историски договори и го отвори патот кон Европската Унија и НАТО. Ковачевски го пофали пристапот на Македонија кој овозможи членство во НАТО, оддржување на првата меѓувладина конференција со ЕУ во јули минатата година и заштитата на македонскиот јазик и идентитет.

Ковачевски уште еднаш потврди поддршка на Северна Македонија за евроатлантските аспирации на Косово и беше спремен да допринесе во тој правец.

Ковачевски и Курти се согласија дека воените дејства и непријателства, кои се карактеристични за Балканот, треба да станат минато и регионот да продолжи со напредок, добрососедски односи и градење на силна економија што ќе овозможи подобар стандард за сите граѓани.

Ковачевски го поздрави учеството на Србија на разговорите во Охрид и изрази задоволство дека со посредство на Европската Унија се овозможува отворен дијалог кој е од голема важност за регионалната стабилност и безбедност, а кои ќе се чекор напред кон европскиот пат на регионот.

Тој истакна дека Северна Македонија е токму пример за земја која сите отворени прашања со соседите ги решава на мирен и демократски начин, преку дијалог, со цел напредок, подобра иднина и подобар животен стандард за граѓаните.

Ковачевски рече дека преку решителни чекори Северна Македонија обезбеди пред сѐ безбедност и континуиран развој, и од заробена и изолирана држава, денес е фактор на стабилност во регионот, со развиени и негувани добрососедски односи.

Тој и претседателот Вучиќ се согласија дека мирот не само во двете земји туку и во целиот регион е важен, а дијалогот е битен за подобрување на односите. Ковачевски и Вучиќ потенцираа дека евроинтеграцијата на земјите од Западен Балкан е од политички, безбедносен и економски интерес на ЕУ.

Денешните разговори кои ќе се одвиваат со посредство на високиот претставник на ЕУ за надворешни работи и безбедносна политика, Жозеп Борел, како и Мирослав Лајчак, специјален пратеник на ЕУ за дијалогот помеѓу Белград и Приштина, се продолжение на дискусијата од 27 февруари во Брисел, на која беше договорен текстот на првичниот план за нормализација на односите помеѓу двете земји.

Според најавената агенда на разговорите во Охрид, прво се предвидени одвоени средби на високиот претставник за заедничка надворешна и безбедносна политика на ЕУ, Борел, и специјалниот претставник на ЕУ за дијалогот меѓу Белград и Приштина, Лајчак со двете делегации, а потоа е предвидена и заедничка средба. По завршувањето на средбите во вилите „Билјана“ и „Охрид“, најавено е обраќање на Борел пред медиумите.

Средби со Борел и со Лајчак ќе има и премиерот Ковачески, а најавени се и тет-а-тет средби со Вучиќ и Курти.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...