fbpx

Ковачевски: Електрична енергија ќе има без рестрикции, цената не се зголемува

-

Премиерот Димитар Ковачевски денеска изјави дека се ангажирани сите расположливи капацитети во земјава за зголемување на домашното производство на струја. При посетата на РЕК Битола, Ковачевски рече дека 99,2 отсто од домаќинствата немаат зголемени сметки за струја и дека електрична енергија во државата ќе има, без рестрикции, во една од најпредизвикувачките зими за светот.

„Успеавме да ги ангажираме сите расположливи капацитети во државата за зголемување на домашно производство на струја. Цената на електричната енергија не се зголемува. Економско-енергетските политики на Владата даваат резултат, сите мерки беа насочени кон задржување на ценовната стабилност на електричната енергија. Ефектите се сигурна и стабилна испорака на електрична енергија до сите во државата“, рече Ковачевски.

Премиерот додаде дека, по неколку децении, сите производствени капацитети на струја во државата се во функција – трите блока на РЕК Битола, ТЕЦ Осломеј, ТЕЦ Неготино и сите други помали постројки на ЕСМ.

Ковачевски рече дека РЕК Битола произведува над 60 отсто од домашното производство на електрична енергија, а плановите се годинава над 70 отсто од производството да доаѓа од термоелектраните во сопственост над државата.

Во соопштение, Владата на Република Северна Македонија извести дека во изминатото деноноќие АД ЕСМ произвело 19.629 мегаватчасови електрична енергија, со што целосно ги задоволило потребите на домаќинствата и малите потрошувачи, без да набави струја од странство.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...