Фото: Влада на РСМ

Во година полна со економски, енергетски и здравствени предизвици, продолжуваме со вистинска грижа за сите граѓани и се фокусираме на целокупен развој на државата, напиша денеска премиерот Димитар Ковачевски. Тој посочи дека со ребалансот на Буџетот што Собранието го усвои изминатата недела, се обезбедува економска стабилност и поголема финансиска поддршка за граѓаните и компаниите во оваа исклучително кризна година.

„Обезбедени се 76 милиони евра за нови антикризни мерки, 32 милиони евра за зголемување на домашното производство на храна, зголемени плати во образованието и детската заштита и нивна навремена исплата, повисоки пензии од септември за над 320.000 пениознери, субвенции за земјоделците и средства за развојни проекти. Ребалансот кој е поздравен од Светска банка и презентиран и пред граѓаните и пред бизнис заедницата, покрај одржување на макроекономската стабилност, цели и кон поддршка на економијата за враќање во предпандемиско ниво“, пишува Ковачевски.

Напишете коментар

Внесете го вашиот коментар
Please enter your name here