fbpx

Корона кризата нема да го откаже воведувањето на видео-надзорот на автопатот на Коридор 10

-

Епидемијата со корона вирусот во нашата земја нема да ја откаже реализацијата на проектот за воведување на Интелигентен транспортен систем (ИТС) на автопатот долж Коридорот 10. Од Министерството за транспорт и врски најавуваат пролонгирање на објавата на тендерот за избор на изведувач, па така наместо кон средината на годинава, тој ќе биде објавен до крајот на 2020 година. Од ова министерство за „Мета.мк“ велат дека во моментов се подготвува тендерската документација за овој проект.

– Во тек на втората половина на 2020 година се планира да се ангажира Консултант за имплементација на соодветните ЕУ директиви и подготовка на стратегија за одржување на ИТС опремата – посочуваат од Министерството за транспорт и врски.

Интелигентниот транспортен систем предвидува инсталирање на камери за видео-надзор долж автопатот, метеоролошки станици, електронски знаци и СОС телефони на автопатот од Табановце до Гевгелија. Проектот вреден 18,6 милиони евра треба да им овозможи на возачите во реално време да се информираат за временските услови на патот, евентуалните ограничувања на брзината на движење и прекините во сообраќајот.

Преку двата контролни центри на Јавното претпријатие за државни патишта во Петровец и Неготино деноноќно ќе може да се мониторира сообраќајот и временските услови на патот, но и брзо да се дејствува во случај на појава на вонредни настани на автопатот. Главната цел на идниот комуникациско – информациски систем за контрола и управување на сообраќајот е да се зголеми безбедноста на сообраќајот и да се намали бројот на сообраќајни несреќи со фатални последици на Коридорот 10.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...