За денеска во Куманово првично беше планирано да се одржи конгресот на ВМРО-ДПМНЕ, но тој беше поместен една недела порано поради, како што објави „Мета“, „безбедносни и оперативни цели“.
Од ВМРО-ДПМНЕ официјално негираа дека преместувањето на конгресот за 2 и за 3 мај е поврзано со најавените протести на опозицијата.
– За датумот за одржување на конгресот одлучува Централниот одбор. Неговото одржување нема никаква врска со најавените протести на опозицијата – изјави за „Мета“, Александар Бичиклиски од ВМРО-ДПМНЕ.
Петнаесеттиот партиски конгрес на ВМРО-ДПМНЕ се одржа минатата сабота и недела во Куманово и на него со огромно мнозинство гласови за претседател беше повторно избран Никола Груевски.