Конгресот на САД го одбори буџетот за одбрана за 2015 година, кој изнесува 577 милијарди долари, вклучително и 64 милијарди за воените ангажмани во странство, што ќе овозможи финансирање на обуките на сириските и на ирачките сили за борба против ИСИС, пренесуваат медиумите.
Распределбата на средствата предвидува 496 милијарди од основниот буџет да му припаднат на Пентагон, 18 милијарди на Енергетскиот департмент за нуклеарно оружеј, а 64 милијарди долари за мисиите во странство.
Конгресот одговори негативно, односно го одби барањето на Пентагон за отфрлање или за редуцирање на системите за вооружување за кои сметаат дека не можат повеќе да ги одржуваат поради намалувањата во буџетот.
Според проекциите на буџетот, за наредните 10 години се планира намалување на средствата за одбрана на САД за речиси 1.000 милијарди долари.
