Од денеска до 10 јуни, во Охрид се одржува Конференција за климатските промени, во организација на „Милиеуконтакт Македонија“, а во рамки на проектот на УСАИД за Општински стратегии за климатски промени.
Во работата на Конференцијата учествува и министерот за животна средина и просторно планирање на Република Македонија, Нурхан Изаири.
– Сливот на езерата, биодиверзитетот и целиот Дримски Басен се особено ранливи од климатските варијабилности. Така беше во 2000 година, кога при сушата страдаше езерскиот систем, така беше и во 2010 година кога при високи води се предизвикаа поплави. Овие две искуства секогаш сум ги презентирал како доказ за потребата за адаптација кон климата во нашиов регион – изјави Дејан Пановски, македонски претставник во Билатералниот секретаријат за заштита на Охридско Езеро.
