Компаниите кои работат во економските зони лани оствариле добивка од 65 милиони евра

-

Компаниите кои работат во технолошко-индустриските-развојни зони (ТИРЗ) и кои учествуваат со 47 отсто во вкупниот извоз на земјата, минатата година оствариле вкупна добивка од 4 милијарди денари (65 милиони евра), што е за околу 40 отсто помалку во споредба со 2019 година, а тоа е резултат на намалената активност до средината на лани. Вкупните приходи, пак, биле 135 милијарди денари, што е помалку за 9,4 отсто од 2019 година. Со добивка работеле 47 компании, а со реална загуба 53, поради инвестицискиот циклус. Сепак, нема намалување на вкупниот број на вработени во ТИРЗ-те, и покрај пандемијата со ковид-19. Тој е стабилен и во просек лани е зголемен за 0,64 отсто во споредба со 2019 година. Три компании лани имале ист број на вработени како и претходната година, 18 го зголемиле бројот на работници, а 9 работеле со помалку работници.

Овие податоци денеска ги презентираше директорот на ТИРЗ, Јован Деспотовски, кој додаде дека, според досегашните договори со постојните инвеститори, во наредниот период треба да се реализираат дополнителни 7.500 нови работни места. Просечната плата на вработените во ТИРЗ-те во 2020 изнесувала 37.658 денари, а тенденција е таа да се зголемува и да биде повисока од просекот на државата.

„Тоа ќе се постигне најмногу ако се привлекуваат поголем број на компании од сектори со поголема додадена вредност, како фармацевтскиот, на пример, и други слични инвестиции кои се во најава. Се разговара и за менување на критериумите за државната помош на компаниите во зоните, зависно од дејноста на која припаѓаат и бројот на вработените“, рече Деспотовски.

Тој додаде дека вкупните уплати на сите компании по основ на продонеси од плата во државната каса, лани изнесувале 1,8 милијарди денари, во споредба со 1,6 милијарди денари во 2019, а разликата од остварените приходи на компаниите и исплатата како државна помош, изнесува околу 30 милиони евра, директни пари во буџетот. Државната помош за овие компании лани била 393 милиони евра, по основ на ослободување од даночна добивка.

Порталб: На училиште одлични, на испит преслаби: Што не функционира со државната матура во РСМ?

Дебатата за оценувањето и точноста на државната матура во Северна Македонија е сè уште отворена. Еден од случаите што го истакнува ова е искуството на матурантот Алдин Зендели од Тетово. Иако...

Стапување во брак прерано и развод на млади години: Приказната на 20 годишната девојка од Скопје во екот на зголемувањето на бројот на разводи...

Прераното стапување во брак и го смени животот на 20 годишната М. Садриу од Скопје, која се откажа од студиите поради љубов, но заврши сама, без надеж и разведена по само...

Македонската Еспорт Федерација стана европски шампиот во Дота 2

Македонија и Македонската Еспорт Федерација вчера испиша историја освојувајќи го првото место на Европското првенство во Dota 2, во рамки на European Esports Championship 2025, што се одржа во Приштина. Нашиот национален тим...

Новинарот Гоше Николов ја доби наградата „Гласник на невидливите“ за 2024 година

Новинарот Гоше Николов е добитник на наградата „Гласник на невидливите“ за минатата година, за текстот објавен на Мета со наслов „Револуција во пристапноста: Трансформативната моќ на вештачката интелигенција за лицата со...

Порталб: На училиште одлични, на испит преслаби: Што не функционира со државната матура во РСМ?

Дебатата за оценувањето и точноста на државната матура во Северна Македонија е сè уште отворена. Еден од случаите што го истакнува ова е искуството на матурантот Алдин Зендели од...