fbpx

Комитетот за надворешни работи на ЕП ја изгласа Резолуцијата за Македонија

-

Со 42 гласа „за“ и девет „против“, Комитетот за надворешни работи на Европскиот парламент (АФЕТ) вечерва во Брисел ја усвои Резолуцијата за Македонија.

На предлог на известувачот Иво Вајгл, Резолуцијата содржи условена препорака до Европскиот совет за отворање на преговорите за членство во Европската Унија.

Условената препорака зависи од завршувањето на политичката криза со успешно организирани избори на 5 јуни.

Оваа Резолуција се однесува на извештајот за напредокот на Македонија, што пред крајот на минатата година го поднесе Европската комисија.

За Резолуцијата што денеска ја гласаше Комитетот за надворешни работи на Европскиот парламент, идната среда во Стразбур ќе гласа и целиот состав на Европскиот парламент на пленарна седница.

Првично, гласањето за Резолуцијата за Македонија беше закажано на 23 февруари, но поради преговорите и новиот датум за предвремените парламентарни избори, гласањето беше одложено.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...