fbpx

Командантот на НАТО за Европа, генерал Скапароти во посета на Македонија

-

Командантот на Командата на американските сили во Европа и Врховната команда на НАТО за Европа, генерал Куртис Скапароти денеска престојува во посета на Македонија.

Тој ќе се сретне со премиерот Зоран Заев. Претходно, генерал Скапароти официјално ќе биде пречекан во Министерството за одбрана, каде ќе има средба со делегација на МО и Армијата, предводена од министерката за одбрана Радмила Шекеринска. По средбата, генералот Скапароти ќе ја посети касарната „Илинден“, каде ќе биде изведена и показна вежба.

Командантот на американската војска во Европа во обраќањето пред Сенатот во март изрази загриженост околу потенцијални нови немири на Балканот.

– Регионот за кој што сум загрижен денеска е всушност Балканот. Русија работи на Балканот, а ние на некој начин веќе не внимаваме на регионот, кажа генералот.

Тој тогаш во сослушување пред сенатскиот Комитет за вооружените сили нагласи дека Русија се обидува да поттикне немири ширум Балканот, преку кампања за дезинформирање на локалното население.

– Ова е област во која што можеме да имаме проблеми во иднина – оцени тогаш генералот.

Скапароти на почетокот на месецов беше во посета на Турција.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...