Претседателските кандидати на САД, Доналд Трамп и Хилари Клинтон, посетија повеќе држави, во обид да придобијат гласачи пред изборите на 8 ноември.
Трамп ги посети неопределените држави Пенсилванија, Северна Каролина и Флорида, односно третата најголема држава во САД, каде анкетите покажуваат изедначена трка.
Тој денеска ќе води кампања на територија која традиционално е на Демократската партија, во знак оти не се откажува да привлече луѓе надвор од Републиканската партија.
Во меѓувреме, Клинтон се фокусираше на обидите за заживување на гласачите кои вообичаено ја поддржуваат номинацијата на демократите, вклучително Афроамериканците, Латиноамериканците и жените.
Најновата голема анкета на „Еј-би-си“ и на „Вашингтон пост“, објавена денеска, ѝ дава на Клинтон предност од пет процентни поени, но избирачкиот просек бил поблиску.
Вчера се случила и драма. Трамп накратко бил изнесен надвор од сцената од страна на службите за безбедност, кога настанала паника поради лажен пиштол за време на митингот во Невада.
