На Универзитетската клиника за дигестивна хирургија, денеска беше пуштена во употреба нова медицинска и немедицинска опрема во хируршките сали, како и на одделот за полуинтензивна нега на оваа клиника. Станува збор за повеќе современи апарати – лапараскопски хируршки столб, електрохируршка единица со аргон плазма, апарат за трансфузија, пациент монитори, плазма стерилизатори.
Како што информираат во Министерствто за здравство, со новата медицинска опрема првпат во државата денес се изведе лапароскопска интервенција со употреба на флуоресцентен контраст.
Во посета на клиниката денеска беа министерот за здравство, д-р Арбен Таравари и заменикот министер за здравство, Јовица Андовски, како и премиерот Христијан Мицкоски.
