Климатскиот извештај на ОН ќе биде засенет од руската инвазија на Украина

-

Со објавувањето на отрезнувачкиот климатски извештај на Обединетите нации во понеделник, постои загриженост дека ќе биде засенет од руската инвазија на Украина, објави Ројтерс.

Извештајот – опишан од генералниот секретар на ОН, Антонио Гутереш како „атлас на страдање“ – повикува на заеднички напори од страна на владите да се подготват за потопол свет.

Но, малкумина можеа да ја игнорираат маката на единствениот украински автор на извештајот, ботаничар кој опиша дека се засолнил во засолниште за бомби во Киев за време на последната проверка на извештајот за Меѓувладиниот панел на ОН за климатски промени, за кој беа потребни три години да се состави .

„Битките се водат и надвор од градот и во градот, каде што се појавија руски падобранци“, изјави Јакив Дидух за Ројтерс, откако ја помина ноќта засолниште од неговиот стан на 11-ти кат во главниот град на Украина.

„Луѓето се загрижени, но ние не паничиме“, рече Дидух, кој работи во Националната академија на науките на Украина.

Инвазијата ги потресе учесниците на виртуелната средба на IPCC во неделата наутро, додека политичките делегати и научници ја одржаа последната седница по две недели преговарање за резимето на извештајот за креаторите на политиките.

„Украинската делегација зборуваше утринава на последното обраќање. Нема да го повторам она што таа го рече бидејќи мислам дека би станала премногу емотивна обидувајќи се“, рече главниот автор на IPCC, Даниела Шмит за време на неделниот брифинг.

Кога започна инвазијата минатата недела, украинската делегација им кажа на организаторите на IPCC дека е можно да се повлечат од конечниот преглед на документите доколку се прекине интернетот или електричната енергија, рече Шмит. Украинците „искажаа колку се вознемирени што тоа ќе го одвлечат вниманието од важноста на нашиот извештај“, додаде таа.

Научниците на состанокот рекоа дека московската делегација, кои се против конфликтот, се извинила и во име на Русите.

Авторите изразија „лична солидарност со украинската делегација“, според Ханс-Ото Портнер, копретседавач на извештајот на IPCC.

Некои се загрижени дека макотрпната работа и заклучоците ќе бидат игнорирани.

„Живееме во свет каде што има постојана конкуренција за наслови“, изјави за Ројтерс другата копретседавачка на извештајот на IPCC, Дебра Робертс.

 

Шок на Харвард по забраната за упис на студенти од странство

Страв и конфузија завладеа на Харвард, еден од најпрестижните универзитети во светот, откако администрацијата на претседателот на САД Доналд Трамп објави дека повеќе нема дозвола да запишува меѓународни студенти, објави Њујорк...

Британска амбасада: Почеток на нова ера во односите меѓу Обединетото Кралство и Северна Македонија

Со потпишувањето на новото партнерство Влада со Влада, денес започнува нова ера во односите помеѓу Обединетото Кралство и Северна Македонија, соопшти Британската амбасада во Скопје. Како што велат од таму, партнерството...

Зеленски разговарал со Сиљановска Давкова за самитот Украина – Југоисточна Европа во Одеса, не е јасно дали таа ќе учествува

Украина го подготвува четвртиот Самит „Украина – Југоисточна Европа“, кој годинава е планирано да се одржи во Одеса, Украина. За таа цел украинскиот претседател Володимир Зеленски денеска соопшти дека разговарал со...

Македонија потпиша договор за економска соработка со Обединетото Кралство

На 22 мај 2025 година, во Лондон, вицепремиерот Александар Николоски, во име на Владата на Република Северна Македонија, го потпиша Договорот Влада со Влада за политичка и економска соработка со Обединетото...

Шок на Харвард по забраната за упис на студенти од странство

Страв и конфузија завладеа на Харвард, еден од најпрестижните универзитети во светот, откако администрацијата на претседателот на САД Доналд Трамп објави дека повеќе нема дозвола да запишува меѓународни студенти,...