Кина создала ласерско оружје кое може да уништи беспилотни летала во лет, јавуваат светските медиуми.
Оружјето има домет до два километри и може да ја погоди метата и на најниска висина за помалку од пет секунди од лоцирањето, јавува кинеската новинска агенција „Ксинхуа“.
Уредот се состои од големи подвижни коцки, премачкани со маскирна боја, на кои е поставен топ кој исфрла ласерски сноп.
Одбранбениот систем би требало да има клучна улога во безбедноста на поголеми манифестации во градски средини.