Американскиот државен секретар, Џон Кери, утре ќе ги посети Брисел и Лондон, по историскиот референдум во четвртокот, на кој Британците одлучија да ја напуштат Европската Унија.
Се очекува Кери да упати пораки со поддршка од Соединетите Американски Држави до Лондон и до Брисел.
Тој во Брисел треба да има средба со високата претставничка за надворешна политика и за безбедност на ЕУ, Федерика Могерини, а во Велика Британија е најавен состанок со шефот на британската дипломатија, Филип Хамонд.