Каталонците се речиси идентично поделени по прашањето на независноста, покажала анкетата на весникот „Ел мундо“.
Според податоците на анкетата, спроведена помеѓу 1.400 Каталонци, поголемиот дел, односно 46 отсто биле „против“ независноста, додека „за“ се изјасниле 44 отсто. Девет отсто од анкетираните биле неодлучни.
Доколку каталонските сепаратисти на изборите овој месец освојат поголем дел од пратечничките места во реагионалниот парламент, ќе има можност еднострано да прогласат независност и да се конфронтираат со властите во Мадрид.
Сепаратистичките партии ги претставуваат регионалните избори на 27 септември како гласање за независнот иако шпанскиот премиер, Мариано Рахој, го оспорува тоа.