Хекуран Дука, кандидатот на ДУИ, е нов градоначалник на Дебар. Тој на вчерашните вонредни локални избори за градоначалник освои над 50 отсто од гласовите пред противкандидатот Арбен Аголи од Алијансата за Албанците.

За разлика од Дебар, во Охрид и во Ново Село ќе има втор круг на гласање. Во Охрид според податоците од изборниот штаб на Константин Георгиески, кандидатот на СДСМ добил 13.038 гласа, пред противкандидатот од ВМРО-ДПМНЕ со освоени 10.613 гласа. Тие ќе ги одмеруваат силите во вториот круг, кој ќе се одржи на 5 мај.

Во Ново Село, во втор круг одат Никола Андонов од СДСМ и Николчо Стоилков од ВМРО-ДПМНЕ.