fbpx

Канческа-Милевска: Бев повикана како сведок и потврдив дека работиме законски

-

Министерката за култура, Елизабета Канческа-Милевска, денеска била повикана во својство на сведок во Специјалното јавно обвинителство, потврди таа по распитот, кој траеше околу три и пол часа.

Таа кусо изјави дека има можност да го потврди и да го истакне законското работење на Министерството за култура. Во текот на денешниот распит, Канческа-Милеска не сакаше да каже други детали, со образложение дека не е овластена да коментира поради тајноста на истрагата.

Неофицијално, министерката е повикана за проектот „Скопје 2014“, за кој претходно во текот на месецов искази дадоа градоначалникот на Центар, Андреј Жерновски, и поранешниот министер за култура, Арифхикмет Џемаили.

Утринава во СЈО беше и македонскиот бизнисмен Орце Камчев, еден од сопствениците на „Медиа принт Македонија“, на болницата „Аџибадем Сиситина“, „Орка холдинг“, „Стопанска банка – Битола“, ЗИГ „Пелагонија“ и на други фирми. Тој ги избегна новинарските екипи без да даде изјава во кое својство бил повикан и за кој случај.

Камчев, кој важи за близок до власта, според последната листа на „Форбс“, е најбогатиот човек во Македонија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Податочните центри во Ирска потрошиле повеќе струја од сите домаќинства заедно

Податочните центри во Ирска потрошиле повеќе струја од сите домаќинства во државата заедно, пренесува Гардијан. Според Државниот завод за статистика на Ирска, податочните центри искористиле 21 отсто од електричната енергија...