Најмалку 73 лица загинаа, а околу 50 се повредени кога камион влета во преполно шеталиште во Ница, додека траела прославата на Денот на падот на Бастилја, пишува интернет-изданието на францускиот весник „Фигаро“, повикувајќи се на полициски извори.
Градоначалникот на Ница, Кристијан Естрози, потврди дека повеќе од 70 лица се убиени во „најлошата трагедија во историјата на Ница“. Тој додаде дека камионот бил преполн со оружје и со гранати.
„Си-ен-ен“ јавува дека се повредени повеќе од 100 лица, додека другите светски медиуми јавуваат дека на улиците на Ница владее вистински хаос бидејќи телата на загинатите и на повредените лежат по улиците.
BREAKING: Death toll in Nice attack reported as more than 70 by French news channel pic.twitter.com/UpIOAK3SRB
— Reuters Top News (@Reuters) July 14, 2016
Францускиот претседател, Франсоа Оланд, како што соопштија од неговиот кабинет, веднаш заминал во центарот за кризи при француското МВР.
Засега не е познато како се случил инцидентот, но полицијата потврди дека возачот на камионот е „неутрализиран“ во престрелка со полициските сили и оти во моментов се истражува дали дејствувал сам или имал соучесници.
Снимка од камионот како ги прегазува луѓето во Ница се појави на социјалните медиуми. Возачот, пред да биде застрелан, извозел два километри од шеталиштето.
BREAKING VIDEO: #Truck driving through crowd in #Nice caught on cam pic.twitter.com/dOUacdJkuc
https://t.co/OU0IFAweiM #Nice #Nice06— RT (@RT_com) July 14, 2016
На местото на настанот има многу екипи на итна медицинска помош и полициски сили.
jss dans nice y'a des mouvements de foule de mutant on sait pas pk pic.twitter.com/ByXnaig0Qk
— yannick 🏄🏼 (@yvnnick) July 14, 2016
Локалните власти испитуваат дали се работи за планиран напад и ги предупредија граѓаните да не излегуваат од дома.
Во меѓувреме, париската полиција соопшти дека камион кој превезувал пиротехника се запалил во близина на Ајфеловата кула, поради што била издадена наредба да се избегнува тој дел од градот.
ALERTE : incendie au pied de la #TourEiffel !! Video : pic.twitter.com/aUkmzlpyV2
— Alexis THIEBAUT 🎙 (@alexisthiebaut) July 14, 2016