Денеска институтот за јавно здравје од Скопје утврдило дијагноза, западнонилска треска кај тригодишен пациент од Прилеп, јави „Револуционер.мк“.
– Денеска официјално добивме информација дека во вирусолошката лабораторија при Институтот за јавно здравје е утврдено дека кај пациент на тригодишна возраст е дијагностицирано западнонилска треска. Претходно пациентот бил хоспитализиран неколку дена на детското одделение во болницата во Прилеп. За пошироко наше епидемиолошко истражување дополнително ќе известиме – изјави доктор Татијана Мургоска-Станимировиќ, епидемиолог од Центарот за јавно здравје.
Болеста се манифестира со треска и со главоболка, вкочанетост на вратот, дезориентација, кома, замор, конвулзии, мускулна слабост и парализа.