Полициски службеници, синоќа околу 1.35 часот, во возило кое се движело на автопатот Удово – Неготино, откриле 16 илегални мигранти, информираат од Министерството за внатрешни работи.
Според МВР, полицајците, откако не успеале да го запрат возилото, марка „рено сценик“, кое не застанало на нивиот знак и продолжило да се движи со зголемена брзина, тргнале по него. Кај клучката Демир Капија, возачот во еден момент застанал и избегал од возилото.
„При преглед на возилото, откриени се 16 илегални мигранти, од кои шест од Палестина, девет од Пакистан и еден од Либан. Лицата се сместени во Прифатниот центар за странци, а се преземаат мерки за целосно расчистување на случајот“, велат од МВР.
На 19 ноември, Македонија, како и дел од земјите од т.н. западно-балканска рута, го затвори протекот на економски мигранти и дозволува влез и транзит само за бегалци од воените жаришта.