Сообраќајот на државните патишта се одвива тековно во зимски услови, по влажни коловози. Во западна Македонија провејува слаб снег, додека во останатите делови врне дожд, известуваат од ЈП Македонија пат.
АМСМ порачува дека на патниот правец Тетово-Попова Шапка задолжително е да се користат синџири на тркалата, а забрана за сообраќај на тешки товарни возила има на планинските превои Стража, Ѓавато и Маврово.
Македонија пат апелира до возачите да ги почитуваат законските правила за зимски сообраќај, да поседуваат зимска опрема, внимателно да управуваат со возилата, да ја почитуваат сообраќајната сигнализација и да ја приспособат брзината според условите на патот.
Дополнително апелираат возачите кои планираат патувања да се информираат навреме за состојбата на патиштата и временските услови.
