fbpx

Јовановски осуден на затворска казна од 9 години за „Меѓународен сојуз“, Ременски ослободена

-

Основниот кривичен суд Скопје денеска ја изрече пресудата за судскиот случај „Меѓународен сојуз“. Судот досуди три затворски казни, при што Бојан Јовановски (Боки-13) е осуден на 9 години затворска казна за делата измама и перење пари. За виновна е прогласена и Јасна Мандиќ Ерцеговиќ, која доби казна-затвор од 4 години за помагање на двете дела. Една година затвор доби и Христина Блажевска како соработничка на Боки-13.

Ослободителна пресуда судот изрече на Фросина Ременски, која беше обвинета за помагање во делото измама. Судот пресуди дека обвинителството за неа не успеало да го докаже делото по кое таа се товареше.

Таткото на Боки-13, Миле Јовановски доби условна казна од 2 години затвор, која нема да биде извршена доколку во наредните 5 години не стори ново кривично дело.

Како правно лице, Меѓународниот сојуз е прогласен за виновен и ќе треба да плати парична казна од 1 милион денари. Судот пресуди и конфискација на имотната корист стекната или употребена за кривично дело.

Пресудата не е правосилна, а осудените лица имаат право да поднесат жалба до Апелациониот суд Скопје по изнесената пресуда.

Судскиот случај „Меѓународен сојуз“ се водеше врз основа на обвинението за измама и перење пари на околу 1 милион евра, кои биле земени од бизнисмените Силјан Мицевски и Адријан Амзоски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Контраспин: Силјановска не ги седна пензионерите во ложата на „Мапет шоу“

Контекстот во кој претседателската кандидатка на ВМРО-ДПМНЕ ја кажа репликата за „Мапет Шоу“, беше сосема поинаков од оној што го претстави СДСМ. Самата реплика воопшто не се однесуваше на...