Портпаролот на јорданската влада, Мухамед Мумани, соопшти дека земјата ќе го ограничи своите дипломатски односи со Катар и ќе ги затвори локалните канцеларии на „Ал Џазира“ во оваа земја.

Мумани соопшти дека одлуката е донесена за да се осигури регионална безбедност, за да се координира политиката на арапските земји и да се стави крај на кризата во регионот.

Одлуката следи откако Саудиска Арабија, Египет, Обединетите Арапски Емирати и Бахреин ги прекинаа дипломатските односи со Катар, обвинувајќи ја државата дека поддржува екстремисти во регионот.

Јемен, Либија и Малдиви подоцна се приклучија кон овие мерки.

Саудиска Арабија е клучен финансиер на Јордан.