fbpx

Јилдирим: Во обидот за пуч загинаа 161 лице, 1.440 се повредени, 2.839 се уапсени

-

Турскиот премиер Бинали Јилдирим на прес-конференција утринава во Анкара изјави дека во обидот за државен удар загинале 161 лице, а 1.440 се ранети. Тој истакна дека сепак овие бројки засега не се финални.

Според неговите зборови, 2.839 припадници на војската се уапсени и ситуацијата сега е под целосна контрола на власта.

Јилдирим соопшти дека командата ја презеле воени лица лојални на претседателот Реџеп Таип Ердоган и дека бунтовниците киднапирале одреден број воени команданти со различни чинови.

– Ова беше дамка на турската демократија, но покажа дека народот е подготвен да се бори за демократијата. И понатаму апсиме. Првата фаза е завршена и ќе бидат преземени сите мерки против оние кои се обидуваат да ја дискредитираат турската држава. Го повикувам народот да ги наполни улиците и плоштадите вечерва – рече Јилдирим.

Во обидот за пуч во Турција, убиени се 104 пучисти, 48 цивили и 41 припадник на полицијата, изјави претходно шефот на војската, Умит Дундар, додавајќи дека бројот на притворените припадници на војската на Турција се зголеми на повеќе од 2.000 лица.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...