fbpx

Јанева: Не сум оптоварена што протекуваат информации, сите се во интерес на јавноста

-

Специјалната јавна обвинителка, Катица Јанева, на денешната седница на Комисијата за политички систем и односи меѓу заедниците, на која се расправа за извештајот за работата на Специјалното јавно обвинителство, на пратеничката Светлана Јакимовска од ВМРО-ДПМНЕ ѝ ја даде иницијативата за измени во Законот за заштитени сведоци и ја замоли да ја поднесе до Собранието.

Ова следува откако пратеничката Јакимовска повеќе од половина час ја учеше Јанева како се донесува закон во Собранието и читаше закони на говорницата.

– Ви благодарам многу за информацијата како се носи закон во Собрание, еве, поради тоа, Вам ќе Ви ја дадам иницијативата за измената на Законот за заштитени сведоци да ја поднесете до Собранието. Не сум запознаена дека моите вработени вршеле тортура и ова прашање треба да го поставите до Врховниот суд. Исто така, би сакала да кажам дека имам впечаток дека пратеничката Јакимовска знае дека во прислушуваниот материјал има многу криминал, па од тие причини е разочарана што толку малку случаи се процесирани. Во однос на прашањето за притворот, би сакала да ви кажам дека многу е различен пристапот на судот кон Основното јавно обвинителство за организиран криминал од пристапот кон СЈО. Исто така, не сум оптоварена од тоа дали протекуваат информации од моето обвинителство, затоа што сите информации се во интерес на јавноста и на граѓаните – рече Јанева.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...