Израелската војска утринава изврши воздушен напад на појасот Газа како одговор на најновиот ракетен напад на јужниот дел на Израел. Во нападот нема жртви.
Џихадистичката група Салафисти, која ја поддржува Исламска држава, ја презеде одговорноста за уште еден напад од Газа на територија на Израел.
Ракетата е испукана во саботата навечер на јужниот дел на Израел, во близина на градот Ашкелон. Салафисти по нападот соопштија дека нема да го почитуваат неформалното примирје на меѓу Хамас и Израел, постигнато минатото лето, по 50-дневната војна во Газа.
Израел потоа бомбардирал „терористички инфраструктури“ на северот на појасот Газа и нареди затворање на граничниот премин со Газа.
Израел ги смета лидерите од радикалното движење Хамас за одговорни за сите напади кои доаѓаат од подрачјето кое е под нивна контрола, иако Салфисти е во судир со Хамас.