Индиската хидрометеоролошка служба вчера во северниот град Палоди измерила рекордни 51 Целзиусови степени, што е највисока температура на воздухот откако се води статистика.
Претходната рекордно висока температура изнесувала 50,6 Целзиусови степени и е измерена во 1956 година.
Високите температури се карактеристични за северна Индија, особено во текот на месец мај и јуни, кои се сметаат за најтопли месеци во годината. Во овој период температурите се искачуваат и над 40 Целзиусови степени, но ретко се случува температурата да биде повисока од 50 степени.
