Со изложбата „За Скопје со срце од целиот свет“ на авторката Зоја Богдановска, која ја подготви Музејот на град Скопје, вечерва во Младинскиот културен центар (МКЦ) ќе се одбележи 59-годишнината од катастрофалниот земјотрес во Скопје.
Како што велат од МКЦ, основната идеја на изложбата е пред публиката да се презентира хуманоста и солидарноста на народите од целиот свет, кои не признаваат граници и меридијани.
„26 јули е денот кога Скопје ја доби својата прва голема лузна, но е и денот кога Скопје дозна колку голема љубов и поддршка има од другите градови и држави. Ова е настан кој го одбележува тој трагичен ден и потсеќа на помошта која беше пружена од целиот свет“, велат од МКЦ.
Покрај изложбата, вечерва ќе се одржи и поетско читање на песни посветени на Скопје, подготвено од Организацијата на жени на Град Скопје. Настанот почнува во 19 часот во МКЦ, а влезот е слободен.
Во 20:30 часот во кино Фросина ќе биде проектиран на филмот „1963: Добра ноќ Скопје“ во режија на Илија Павлов, додека на платото пред МКЦ ќе се одржи и музичка програма.