fbpx

Излизгани возила и превртени камиони, во прекин сообраќајот на дел од патиштата

-

Сообраќајот на неколку патни правци во земјава е во целосен прекин поради излизгани и превртени тешки товарни возила, соопшти Автомото-сојузот на Македонија (АМСМ).

Како што информираат оттаму, сообраќајот на патните правци Скопје – Велес и Велес – Скопје е во прекин за сите видови возила, поради излизгани и попречени возила, а од 19.30 часот во целосен прекин е сообраќајот и на патните правци Кавадарци – Неготино и Охрид – Ресен, кај превој Буково, поради превртени тешки моторни возила.

На патниот правец Струмица – Валандово, поради излизгано тешко моторно возило, сообраќајот се одвива наизменично по една коловозна лента.

Поради врнежите од снег, забрани за движење на тешки товарни возила има на патните правци крак Маврово – Дебар, Гостивар – Кичево, преку планинскиот премин Стража, Кичево – Охрид преку планинскиот премин Пресека, на патниот правец Крива Паланка – граничен премин Деве Баир, на патниот правец Битола – Ресен преку планинскиот премин Ѓавато и на патот Ресен – Охрид преку планинскиот премин Буково.

Сообраќајот на државните патишта, според АМСМ, се одвива во зимски услови, по влажни коловози, а во западниот и во северниот дел од земјата, на места има остатоци од снег по интервенција на екипите на „Македонија пат“.

Во клисурите и во засеците можна е појава на помали одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Откажани денешните и утрешните летови меѓу Скопје и Виена поради протест на вработените во „Аустриан Ерлајнс“

Вработените во „Аустриан Ерлајнс“ денеска, четврток и утре, петок (28 и 29 март) штрајкуваат поради несогласувања околу платите, што резултираше со откажување на околу 400 летови, што, пак, ќе...