fbpx

Изградбата на пруга до скопскиот аеродром вметната во владината програма за работа до 2024 година

-

Изградбата на новата пруга од Миладиновци од Меѓународниот аеродром Скопје влезе во Програмата за работа на Владата на Република Северна Македонија за периодот 2020-2024 година. Новата влада на премиерот Зоран Заев, која што беше изгласана вчера од Собранието, се обврза дека ќе го изгради железничкиот крак долг пет километри, со кој главниот град би добил аеродромски воз како најбрза и најевтина опција за превоз од аеродромот до центарот на Скопје.

„Мета.мк“ за потребата од воведување на аеродромски воз од Транспортниот центар до скопскиот аеродром пишува исцрпно од минатата есен до денес. Проектот го поддржаа и од Јавното претпријатие за железничка инфраструктура Железници на РСМ, кои минатата есен изразија подготвеност да бидат носители на реализацијата на проектот. Истовремено, Министерството за транспорт и врски изминатиот период го стави како приоритетен проектот за воведување на железничка врска од Транспортниот центар до Меѓународниот аеродром Скопје на листата на проекти за кои во иднина ќе бараме поддршка од ЕУ и од другите меѓународни финансиски институции.

Новата влада на премиерот Зоран Заев се обврза дека во наредните четири години ќе изработи пилот-проект за воведување на градска железница на постојниот железнички крак Зелениково-Драчево-Лисиче-Пинтија-11 Октомври-Транспортен центар, но и дека ќе ја изработи проектната техничка документација за електрификација на пругата Транспортен центар-Скопје Север-Ѓорче Петров-Волково-Блаце.

Покрај тоа што ќе служи за брз и евтин превоз на граѓаните меѓу скопскиот аеродром и центарот на градот, идната пруга од Миладиновци до аеродромот ќе им користи за секојдневни патувања и на жителите од Маџари, Илинден и Миладиновци како попатни станици, а постои можност и Куманово како втора по големина општина во земјава да биде поврзана со патнички возови кои би застанувале и на идната железничка станица на Меѓународниот аеродром Скопје.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Распишан конкурс за наградата „23 Октомври“

Одборот за доделување на државната награда „23 Октомври“, распиша конкурс за доделување на државната наградата за 2024 година. „Со државната награда се оддава највисоко признание за долгогодишни остварувања во областа...