fbpx

Изградбата на новиот Клинички центар ќе трае седум години, ќе чини 500 милиони евра

-

Новиот клинички центар ќе биде целосно готов за седум години, а целиот проект ќе чини 500 милиони евра, пари кои ќе ги обезбедиме преку банките ,,Ерсте груп”, ,,Рајфајзен банк” и ,,Уникредит банка”, информира министерот за здравство Венко Филипче. Изградбата најави дека ќе започне на почетокот на идната година.

– Првата фаза ќе биде готова за 3,5 години кога би се префрлиле некои оддели. Најпрво ќе функционираат хируршките клиники, операционите сали и ургентниот центар. Потоа ќе се префрлат клиниките за гинекологија, за педијатрија, па онкологија. Инфраструктурата ќе се плати со пари од буџетот. Ова е најважен капитален објект од значење за целата држава. Ќе има модерен начин на давање здравствена услуга, како што функционираат модерните држави. Се’ ќе има во една зграда, се’ ќе биде на едно место – рече Филипче.

Тој потенцира дека новиот клинички центар ќе треба да ги опслужува граѓаните во следните 70-80 години.

– Ќе работиме интензивно. Проектот е многу комплексен, треба да се направи патната инфраструктура. Некои од активностите врзани со изградбата ќе започнат оваа есен – додаде тој.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Податочните центри во Ирска потрошиле повеќе струја од сите домаќинства заедно

Податочните центри во Ирска потрошиле повеќе струја од сите домаќинства во државата заедно, пренесува Гардијан. Според Државниот завод за статистика на Ирска, податочните центри искористиле 21 отсто од електричната енергија...