Во пожар кој избувна околу 10 часот утрово, целосно изгоре котларницата во сопственост на Општина Тетово. Од тетовската територијална противпожарна единица, пожарот го локализираа за еден час.
– Интервениравме со девет пожарникари и со четири противпожарни возила. Со нашата навремена интервенција, успеавме целосно да го локализираме пожарот, кој можеше да се прошири и на соседните објекти и на резервоарите на нафта со кои се затоплува зградата на Општина Тетово – изјави Ука Алити, командир на противпожарната единица.
Полицијата по извршениот увид, работи на целосно расветлување на случајот.