Новоизбраниот претседател на САД, Доналд Трамп за нов секретар за одбрана го избра водителот од Фокс њуз, Пит Хегсет. Ова доведе до многу прашања во Пентагон за тоа како ќе се покаже водителот на таа функција.
Веста предизвика голема загриженост кај многумина во Вашингтон, бидејќи Трамп не избра некој поискусен да ја води националната безбедност, туку капетан на Националната гарда кој е најпознат во конзервативните кругови како ко-водител на емисијта „Викенд на Фокс и пријателите.”
Додека некои републикански пратеници не сакаа да го коментираат изборот, голем дел го посочија неговото воено искуство како предност и посочија дека е „извонредно способен“.
Изборот може да донесе големи промени во војската. Тој во своето шоу и во интервјуата гласно изјавуваше, како и Трамп, дека е против промовирање еднаквост. Често ја доведуваше во прашање улогата на жените и се залагаше за помилување на членовите на службата обвинети за воени злосторства.
Во јуни, на митинг во Лас Вегас, Трамп ги охрабри своите поддржувачи да ја купат книгата на Хегсет и изјави дека ако тој ја добие претседателската функција, „Прогресивните работи ќе исчезнат во период од 24 часа. Тоа ви го гарантирам!.”
Хегсет, упорен конзервативец кој ги прифаќа политиките на Трамп, се залагаше да ја направи војската посмртоносна. За време на интервјуто за подкастот „Рајан Шоу“, тој изјави дека дозволувањето на жените да служат во борба го повредува тој напор.
