fbpx

Изборни инциденти во Куманово и Вевчани, боксерска пресметка и неовластено фотографирање лични карти

-

На неколку дена пред вториот круг на гласањето на локалните избори во земјава, Министерството за внатрешни работи (МВР) и различните политички партии информираат за изборни инциденти, кои влегоа и во билтените на МВР.

Во Куманово, во саботата на 23 октомври во 14.15 часот во СВР Куманово Р.Р. пријавил дека во населбата Средорек бил физички нападнат од С.С. и неговиот татко. Истиот ден во 14.17 часот С.С. пријавил дека бил физички нападнат од Р.Р. МВР презема мерки за расчистување на случајот, а од таборите на двајцата противкандидати на изборите во Куманово имаше меѓусебни обвинувања.

Станува збор за Реџеп Реџеповски и Самет Салиевски, и двајцата професионални боксери со долгогодишно искуство. Реџеповски има освоено и сребрен медал за Југославија на Летните олимписки игри во Лос Анџелес во 1984 година, а сега е кандидат за советник од граѓанската иницијатива „За наше Куманово“. И Самет Салиевски е боксер со долгогодишна кариера и тренер по бокс.

Покрај боксерската пресметка во Куманово, во Вевчани вчера вечер се случил уште еден инцидент, на којшто лице се легитимирало како полициски службеник и фотографирало лични карти на граѓани кои се наоѓале во кафе бар. И овој инцидент е пријавен во МВР.

„На 24.10.2021, во 22.30 часот во ПО-Велешта Т.Ш. (32) пријавил дека околу 20.30 часот во центарот на с.Вевчани (пред кафе бар) додека следел митинг на политичка партија едно лице лажно му се претставило дека е полициски службеник и му побарало лична карта и откако ја фотографирал личната карта, му се заканил на пријавителот. Потоа, според пријавеното, лицето влегло во кафе барот и им ги побарал а потоа и ги фотографирал личните карти на И.Д., М.Д., В.П., К.Р., Т.В. и Н.Б., сите од Вевчани, а потоа, без да се легитимира со службена легитимација, се оддалечило. Се преземаат мерки за расчистување на случајот“, информираат од МВР.

Вториот круг на локалните избори ќе се одржи на 31 октомври, и тоа во оние општини каде што не беше избран градоначалник во првиот круг на 17 октомври.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Кривични пријави за шестмина инспектори зашто не пломбирале „диви“ менувачници на Бит пазар

Против шест лица С.Б.(32), Ј.Р.(54), В.М.(47), Б.С.(46),С.С.(61) и Р.Б.(37), државни пазарни инсектори, се поднесени кривични пријави за сторено кривично дело „злоупотреба на службена положба и овластување“, информира Министерството за...