Денеска, во Софија, на маргините на шестиот состанок на високо ниво, во организација на Меѓународниот центар „Низами Ганџави“, претседателот на Република Македонија, Ѓорге Иванов, ќе се сретне со претседателот на претседателството на Босна и Херцеговина, Младен Иваниќ.
Се очекува шефот на државата и Иваниќ да разменат мислења за бегалската криза, како централна тема на овој форум, а ќе се осврнат и на прашања од заемен интерес на двете земји и на други теми од регионално значење.