Претседателот на Република Македонија, Ѓорге Иванов, денеска во 16 часот ќе им се обрати на граѓаните на Република Македонија.
Вчера претседателот имаше интервју со уредниците на националните телевизии, а во вторникот, при првото обраќање до нацијата, ја соопшти одлуката за општа аболиција на политичари за кои се води предистражна и истражна постапка.
По објавувањето на одлуката за аболиција Иванов се најде под жестоки критики на политичките партии, меѓународната заедница, експертите и невладините организации.
Изминатите три дена, поради одлуката, во главниот град се одржуваат протести во кои беа повредени и демонстранти и полицајци, а беше демолирирана и народната канцеларија на претседателот и дел од прозорците и фасадата на Министерството за правда.
