На дводневна посета, во Катар од утре ќе престојува претседателот на Република Македонија, Ѓорге Иванов.
Предвидено е да се сретне со емирот на Катар, шеик Тамим Бин Хамад ал Тани, а ќе се сретне и со главниот извршен директор на „Катар инвестмент ауторити“, шеик Абдула Бин Мохамед Бин Сауд ал Тани.
Иванов ќе присуствува на церемонијата на отворање на Светското првенство во ракомет, како и на натпреварот меѓу репрезентациите на Република Македонија и на Тунис.
Претседателот Иванов ќе се сретне и со членовите на македонската ракометна репрезентација.