Претседателот на Република Македонија, Ѓорге Иванов, му го врачи мандатот за состав на Влада на Република Македонија на Емил Димитриев.
Димитриев, досегашен генерален секретар на ВМРО-ДПМНЕ, во четвртокот беше избран од извршниот комитет на ВМРО-ДПМНЕ за кандидат за премиер на преодната влада.
Во петокот, Никола Груевски ја депонираше својата оставка до претседателот на Собранието, Трајко Вељаноски, а денеска таа беше констатирана во законодавниот дом.
Се очекува Собранието вечерва со просто мнозинство да ја изгласа новата влада, која за премиер ќе го има Димитриев.
