fbpx

Иванов: Македонија заслужува членство во НАТО без дополнителни услови

-

Претседателот Ѓорге Иванов на средбата со Метју Палмер, вршител на должноста заменик помошник државен секретар во Стејт Департментот на Соединетите Американски Држави за Европа и Евроазија, потенцирал дека не го прифаќа Договорот постигнат помеѓу Македонија и Грција бидејќи со него се крши Уставот, законите и се рушат државните институциите и претставува договор кој е на штета на македонските национални интереси, информираат од претседателскиот кабинет.

На средбата било разговарано за актуелните политички состојби и за натамошно зацврстување, збогатување и унапредување на стратегиското партнерство помеѓу Македонија и САД.

Иванов изразил очекување дека ќе продолжи американската поддршка за надворешно политичките цели и приоритети на Македонија, за добрососедските односи и регионалната соработка.

„Претседателот Иванов посочи дека Република Македонија уште во 2008 година ги исполни условите за членство во НАТО и сите овие години активно придонесувајќи во НАТО мисиите, заедно со земјите-членки, Република Македонија го заслужува членството без дополнителни услови“, се вели во соопштението.

На средбата Иванов истакнал дека одржување на мирот, стабилноста и просперитетот на нашиот регион е од клучно значење за целиот европски континент.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Посебен сообраќаен режим в недела заради атлетска трка на Средно Водно

Во недела, со почеток во 9 часот, поради атлетска трка на 10 километри, со траса на движење од долниот паркинг на Средно Водно по регионалниот пат (Р2138) до паркингот...