Советот за безбедност на ОН денеска зад затворени врати расправаше за кризата во Јемен, каде шиитските бунтовници ја презедоа претседателската палата во Сана.
Генералниот секретар на ОН, Бан Ки-мун, изрази сериозна загриженост, повикувајќи ги сите страни во земјата да ги прекинат борбите и да ги преземат неопходните чекори за враќање на легитимитетот и на авторитетот на владините институции.
Шиитските бунтовници од милициската група Хути се обидува да го собори претседателот Абдрабух Мансур Хадиј, кој е сојузник на САД во борбата против Ал Каеда.