Премиерот на Албанија, Еди Рама, денеска ќе престојува во Белград. Првата закажана посета минатиот месец беше откажана по инцидентот на натпреварот на фудбалските репрезентации на Србија и на Албанија во Белград.
Предвидено е тој да разговара со српскиот премиер Александар Вучиќ, по што е најавена пленарна седница на двете делегации. Ова е прва официјална посета на еден албански премиер на Белград во изминативе 68 години.
