Британската елитна единица САС, во тајна копнена мисија во Ирак, убила стотина џихадисти на Исламска држава, објави „Раша тудеј“.
Како што јавува руската телевизија, британските специјалисти, користејќи специјални возила „квад“, ноќе трагаат по непријателот и успеваат да убијат по осум терористи дневно.
Извори од британското министерство за одбрана претходно наведоа дека елитната британска специјална воздушна единица е вклучена само во неборбени мисии.
Сепак, покрај набљудувачката улога во Ирак, единиците учествуваат и во елиминирање на џихадистите на ИСИС, се наведува во специјалниот извештај објавен во британските медиуми.